MTUNISY AKANA MADAI YA NDOA YAKE KUVUNJIKA.

Star wa filamu nchini Nice Mohamed 'Mtunisy' anadaiwa kuachana na mke wake hivi karibuni. Chanzo kimoja kiliuambia mtandao huu kuwa Mtunisy siku hizi yupo mwenyewe wameshaachana na mkewe sababu zikidaiwa ni scenes za kimapenzi anazocheza Mtunisy na waigizaji wa kike ikiwemo filamu ya Who's Bad kwa madai kuna scenes katika filamu hiyo mkewe hakuzifurahia na kumnyima usingizi. "Mtunisy yupo single wameachana na mkewe hivi karibuni, unajua Mtunisy kuigiza scenes za kimapenzi na wasichana wazuri kumekuwa kukimnyima raha mkewe, kuna filamu ya Who's Bad ndiyo imefanya mke wake uvumilivu kumshinda" kilisema chanzo hicho juzi.

Mtunisy alipotafutwa na swahiliworldplanet kuulizwa kama ni kweli ameachana na mke wake alikana madai hayo na kusema mtoa habari hizo atakuwa mwehu "Sio kweli huyo aliyesema hivyo atakuwa mwehu kidogo" alisema Mtunisy anayetamba katika tasnia ya filamu nchini ambapo baadhi ya watu humfananisha na Ramsey Nouah wa Nollywood kimuonekano na hata kiugizaji hasa katika scenes za kimapenzi.

                                                        Mtunisy